22 лютага 2020 года на базе дзяржаўнай установы адукацыі “Гімназія імя Я.Купалы”прайшоў конкурс даследчых і творчых работ вучняў “Купалаўскія чытанні – 2020”.

Мэта конкурсу:развіццё творчых здольнасцей вучняў, пошук таленавітай моладзі, стымуляванне творчай актыўнасці настаўнікаў.

Задачы конкурсу:

1. Выхаванне ў падрастаючага пакалення нацыянальнай самасвядомасці, патрыятызму, любові да сваёй Радзімы.
2. Развіццё інтэлектуальнай і мастацкай творчасці навучэнцаў, далучэнне іх да даследчай дзейнасці.
3. Павышэнне цікавасці вучняў да культурнай спадчыны свайго народа, традыцый, гісторыі культуры роднай краіны.
   1. Стымуляванне навукова-метадычнай і інавацыйнай дзейнасці педагогаў, пошук новых формаў і метадаў работы.
4. Умацаванне і развіццё супрацоўніцтва паміж установамі агульнай сярэдняй адукацыі.

Удзельнікамі конкурсу былі вучні IV-XI класаў устаноў агульнай сярэдняй адукацыі Мазырскага раёна, гімназій і ліцэяў Гомельскай вобласці.

СЕКЦЫІ

1. “Культурная спадчына” (вучэбна-даследчыя работы: мовазнаўства, літаратура, краязнаўства, гісторыя Беларусі).
2. “Мой творчы радок” (вучнёўскія сачыненні, апавяданні, эсэ, вершы на тэму “Вайна вачамі ўнукаў і праўнукаў”).
3. “Святыня народа” (конкурс чытальнікаў вершаў ці празаічных урыўкаў з твораў пісьменнікаў і паэтаў пра вайну).
4. Секцыя малюнкаў на тэму “Вайна ў мастацкіх творах беларускіх пісьменнікаў” для вучняў IV-XI класаў (малюнкі фармату А2 або А3).
5. Секцыя “Інтэлектуальная” (медыявіктарына па тэме “Гісторыя Вялікай Айчыннай вайны”).
6. Секцыя “Буктрэйлер” (вучнёўскія рэкламныя відэаролікі па творах пісьменнікаў Гомельшчыны, прысвечаныя перыяду Вялікай Айчыннай вайны).

Пераможцы конкурсу былі ўзнагароджаны дыпломамі I, II, III ступеняў.